2017ko datu ofizialak
Enpresa eta lanpostu gehienak −% 60 baino gehiago− kooperatiba eta lan-sozietateetan kontzentratzen da, baina fundazioen kopurua ere azpimarratzekoa da −% 20 inguru−.
Fakturazioari dagokionez ere, kooperatibak eta lan-sozietateak gailentzen dira. Alor horretan, are gehiago nabarmentzen dira, fakturazioaren % 95 baitagokie. Bereziki azpimarratzekoa da nekazaritzako elikagaien arloko kooperatibek duten pisua. Aldi berean, kooperatiba horiek biltzen dituzte bazkide gehien.
2014tik 2017ra bakarrik, ekonomia sozialeko enpresek beste enpresa mota guztiek baino % 24 enplegu gehiago sortu zuten.
Horrez gainera, 2017an Nafarroan eratutako enpresen % 9 ekonomia sozialeko enpresak izan ziren.
Testuinguru horretan, Nafarroan bi eredu nabarmendu behar dira, ekonomia- eta ekoizpen-sarearen trakzio-lanak egiteko duten gaitasunagatik: batetik, MONDRAGON korporazioa (industria-, finantza- eta banaketa-alorreko taldea). Nafarroako Komunitatean, 4.260 lanpostu korporazio horretakoak dira.
Taldearen fakturazio globala 12.000 milioitik gorakoa da, eta 70.000 laguni ematen die lana
Eta, bestetik, GRUPO AN taldea (nekazaritzako elikagaien arloko enpresa): 1.600 lanpostu eta 872 milioiko fakturazioa, 2017an.